THASHETHËMET E VIP-AVE TE HUAJ - Aktuale.dk

Jennifer Lopez nuk shlyen borxhet
Të jetë thjesht një kapriço, apo harresë, megjithatë pikërisht Jennifer Lopez nuk paguan borxhet e saj. Një gjë kjo që i lë të gjithë gojëhapur. Këngëtarja, sipas një vërtetimi të një kompanie njujorkeze që zotëron limuzina, thuhet se nuk ka paguar një llogari që kap shifrat 16 mijë dollarëve. Sipas burimeve të “Spiegel Limousine Corporation”, Lopez ka marrë me qira makinën e tyre gjatë promovimit të filmit “El Cantante” këtë qershor. Aktorja kishte porositur makina luksoze për bashkëshortin e saj, Marc Anthony, për stilisten e saj, Ken Paves dhe për të motrën, Linda.

George: Zemra ime është me Lindsay Lohan
George Clooney e ka vendosur veten në vend të Lindsay Lohan gjatë një bisede me mikun e tij të shtrenjtë, Christian Slater. Pikërisht duke i thënë këtij të fundit se edhe ai nëse do të bëhej i famshme në një moshë të vogël, siç ka ndodhur me kolegen e tyre, ndoshta do të kishte përfunduar në një klinikë rehabilitimi për alkool e drogë. Slater ka treguar: “George më ka shpjeguar se nëse do të ishte zbuluar kur ishte 20 vjeç dhe të jetonte që në atë moshë nën dritën e prozhektorëve dhe kamerave, me siguri që do të kishte përfunduar edhe ai në një klinikë”. Jam i lumtur që nuk më ka ndodhur, është shprehur aktori që u bë i famshëm në moshën 35-vjeçare me serialin e njohur, “ER”. Aktori është shprehur se, “i ndodhem shumë pranë Lindsay Lohan. Zemra ime është pranë saj. Është një vajzë me mjaft talent dhe mjaft e re. Kush jemi ne që ta gjykojmë dhe ta dënojmë?!”

Sarah Jessica Parker, martesa “bis”
Është ende në fazë pune, e megjithatë e gatshme për të folur për veten. Skenari i bazuar mbi serinë kult të televizionit, “Sex and the city” është cilësuar si një sukses i madh. Dhe bukuroshja Sarah Jessica Parker nën lëkurën e Carrie Bradshaw, më së fundi do të martohet me dashurinë e saj të madhe, Mr Big. Është ky vazhdim i kësaj serie që do të xhirohet në katedralen “St Patrick” të New York. E gjitha kjo është shumë e bukur, por pikërisht në sheshin e xhirimit diçka nuk funksionon. Kështu që producentët kanë vendosur të vënë sërish dorë. Kjo, pasi siç ka deklaruar vetë Sarah, dëshiron që dasma në film të ngjajë si të ishte më se e vërtetë.

Martesë në krizë për Gwyneth Paltrow
Zërat kanë marrë dhenë: një nga çiftet më solide të showbiz është në grykën e një humnere krizë. Mes Gwyneth Paltrow dhe Chris Martin, lider i grupit të njohur “Coldplay”, duket se jo çdo gjë shkon mirë. Martesa duket se është në krizë, kjo e pohuar nga shumë njerëz, të cilët nuk e kanë parë më shpesh çiftin si më parë. “Gwyneth dëshiron të kthehet për të jetuar në Amerikë, ndërsa Chris dëshiron të qëndrojë në Britani”, - ka thënë një burim për “Daily Mail”. Zërat janë bërë edhe më të besueshëm kur aktorja është parë vetëm të shtunën e kaluar në mbrëmjen gala të “Fashion rocks”, takim londinez, që u kushtohet xhevahireve.

Depp dhe Paradis, një idil i vërtetë
Një marrëdhënie për t’u pasur zili. Raporti mes Vanessa Paradis dhe Johnny Depp, tashmë prindër të dy fëmijëve, shkon kaq mirë saqë aktori është bërë shkak që bashkëshortja e tij franceze t’i rikthehet muzikës. Madje, ka bërë gati edhe kopertinën e albumit, ku është vendosur fotoja e nënës së dy fëmijëve të tij, ndërsa Vanessa për të shkëmbyer favorin i ka mësuar Johnny disa leksione kantoje. Albumi i ri i Vanessa, “Divinidylle”, është regjistruar në nëntor të vitit 2005 dhe gushtin e 2007, pasi këngëtarja nuk ka dashur të lërë pas dore impenjimet e saj familjare (ajo është lidhur qysh në vitin 1998 me Johnny Depp, me të cilin jeton në jug të Francës). “Divinidylle” është puna e parë pop e francezes pas shtatë vitesh qetësie.

Kidman, pesë kilogram më tepër
Nicole Kidman është gjykuar gjithmonë si një nga aktoret e Hollywood, më të dobëta dhe gati aroneksike. E megjithatë për filmin e saj të ardhshëm, “The reader”, Nicole është detyruar të bëhet si Renee Zellweger në “Bridget Jones”; e shëndoshë. Nuk duhet të shtojë aq sa kolegia e saj në fakt, por plot 5 kilogram, e duke parë moshën e saj (rreth 40 vjeç) pesha është përqendruar tek zona e barkut. Në filmin “The reader”, i drejtuar nga Stephen Daldry mbi skenarin e shkruar nga David Hare, Kidman do të interpretojë përkrah Ralph Fiennes. Historia bazohet mbi romancën “A voce alta”, e gjermanit Bernhard Schlink, që rrëfen historinë e Michael Berg në vitet ’50, që është vetëm 15 vjeç, në fazën e përjetimeve të turbullta të adoleshencës. Një ditë ai takon Hannah, një grua shumë më të madhe se ai, me të cilën realizon një marrëdhënie. Por më pas kjo zonjë e fsheh këtë histori si diçka të errët në të kaluarën e saj.

“Zuchero? U vjedh pjesët të tjerëve”
Në sukseset e mëdha të Zuchero gjendej fare pak dora e tij”. Michele Torpedine, ish- menaxher i popstar-it, që ka lançuar Zuchero dhe e ka ndjekur për rreth 12 vjet rresht, është hedhur kundër tij dhe me akuza plagjature madje. “”Il mare calmo” ishte firmosur nga Zuchero, por në të vërtetë ishte e Gloria Nuti – dhe këtë gjë ai e ka bërë edhe me autorë të tjerë”, - tregon menaxheri i tij. Torpedine vazhdon me akuzat, duke thënë se Zuchero merrte pjesët muzikore të të tjerëve dhe pastaj i modifikonte. Muzika e “Come il sole all’improvviso” ishte e një këngë të Michael McDonald, po ashtu “Così celeste” është një pjesë e Bob Seger; një pjesë e “Diavolo in me” është shkëputur nga Joe Cocker; e të tjera me radhë. Nëse këto akuza do të vërtetohen, atëherë do të jetë një goditje e madhe për yllin e muzikës italiane.

Përgatiti: Luigj Shkodrani