Lajme të rralla - Aktuale.dk

Rumani, policët e trafikut mësojnë balet

Rregullimi i trafikut mund të jetë i vështirë, por policët në Rumaninë perëndimore po mësojnë ta bëjë atë me stil, duke marrë mësime baleti. “Qëllimi është të zhvillojnë aftësinë ta rregullojnë trafikun dhe të arrijnë elegancë në lëvizjet e tyre, të cilat jo vetëm do të jenë të kënaqshme për sytë, por do t’i ndihmojnë shoferët që presin në semafor të largojnë stresin apo trishtimin”, thotë shefi i policisë Dorel Cojan. Shumë prej policëve lokalë të qytetit Timisoara po ndjekin klasat me dy balerinë të njohur të Pallatit të Operës dhe Baletit në Timisoara. Orët e mësimit, të cilat sapo kanë filluar, do të organizohen dy herë në javë për një muaj.


Australi, adoleshentja alergjike ndaj ujit

Një adoleshente në Australi s’mund të notojë, të zhytet në vaskë dhe as të bëjë dush, pasi është alergjik ndaj ujit. Ashleigh Morris, 19-vjeçare është alergjike edhe nga djersa e saj, prej të cilës skuqet menjëherë. Ashleigh, nga Melbourne vuan nga alergjia e ujit pas një doze peniciline në moshën 14-vjeçare. Studentja e medias është ndër të pakët personat e botës që vuajnë nga kjo sëmundje e pashërueshme, Aquagenic Urticaria. Tani del gjithmonë me çadër, përpiqet të mos djersitet dhe nuk del nga shtëpia me orë të tëra derisa t’i qetësohet skuqja e lëkurës pas dushit. Por Ashleigh vazhdon ta shijojë jetën: “E mblodha veten dhe vazhdoj përpara”, thotë ajo.


SHBA, kamerierja merr kalin për bakshish

Një kameriere mori bakshishin më të madh të jetës së saj. Një prej klientëve i dha një kalë. “Gjithçka filloi ndërsa po shërbeja në tavolina”, thotë A.D. Carrol. “Dy burra po pinin kafe dhe unë i kërkova të ndërronin tavolinë për t’i lënë vendin një grupi më të madh. Njëri prej tyre më pyeti nëse doja një kalë. “Patjetër”, i thashë. Dy ditë më vonë ai erdhi dhe kali u bë i imi”, thotë ajo. “Gjatë viteve më kanë dhënë bakshishe të mëdha. Një herë në San Francisko më dhanë 600 dollarë. Një herë tjetër 500. Por kjo është më e mira nga të gjitha”. Kali i saj quhet “Mailman Express”, një kuaj garash 5-vjeçar, i cili ka një këmbë të lënduar dhe s’mund të garojë, megjithatë është i përshtatshëm për kalërim.


Kuzhinieri që vezën e zier e kthen në të pazier

Fizikani dhe kimisti francez Meet Herve njihet si njeriu që mund ta kthejë një vezë në të pazier. Specialiteti i tij është shkenca e gatimit. Për të çdo ushqim është një përzierje kimike. Kur përbërësit aromatikë formohen në sipërfaqen e një rostoje, ato janë rezultat i një reaksioni kimik. Gjatë viteve interesimi në reaksionet kimike ka sjellë mjaft zbulime. Ai ka zbuluar si ta kthejë një vezë të zier në një të gjallë. “Kur veza gatuhet, molekulat e proteinës shpështjellohen dhe marrin molekulat e ujit. Për ta “çgatuar” këtë vezë, duhet të ndahen molekulat e proteinës nga njëra-tjetra. Duke i shtuar produktit borohidrid, veza bëhet e lëngshme brenda tre orëve. Për ata që duan ta provojnë në shtëpi, vitamina C e luan shumë mirë këtë rol.


Berlin, të burgosurit zgjedhin të rezervojnë qelinë

Kriminelët e rinj në Berlin po kthehen në shtëpitë e tyre, pasi të gjitha qelitë e burgut janë rezervuar që më parë. Ndërtesa në distriktin Lichtenrade-n është e tejmbushur, për këtë arsye të gjithë të burgosurit që shkojnë atje marrin kalendarin dhe vendosin vetë se kur duan ta bëjnë burgun, në varësi të dhomave të lira. Pjesa më e madhe prej tyre kanë dënime të shkurtra, nga një muaj deri në disa vite. Gjermania shpesh i lë kriminelët të lirë pas procesit gjyqësor dhe ata e bëjnë burgun atëherë kur kanë mundësitë. Ministri i Drejtësisë, Gisela von der Aue, thotë shkelësit që mbanin radhë vitin e kaluar në portën e burgut u falën. Ata që erdhën më vonë ia dha mundësia ta prenotonin qelinë në muajt në vazhdim.


Mësuesi humb 5 dollarë, kontrollon klasën e tretë

Një klasë me nxënës të klasës së tretë mori një mësim të mirë për lirinë qytetare kur një zarf me 5 dollarë u zhduk nga tavolina e mësuesit. Nxënësit në shkollën fillore “Martin Luther King” në Hopkinsville, Kentaki hoqën këpucët dhe çorapet, kthyen xhepat prapësht dhe zbrazën çantat. Disa prej prindërve u ankuan tek drejtori dhe tani të katër mësuesit që morën pjesë në kërkime rrezikojnë të pezullohen. “Mënyra si trajtohen nxënësit është qesharake”, thotë babai i nxënësit 9-vjeçar në klasë. Drejtori i shkollës u ka dorëzuar vërejtje të shkruara të katër instruktorëve. Veprimi i tyre shkeli rregullat e qarta, sipas së cilave një mësues duhet të ketë kontakt fizik me nxënësit vetëm kur ai përbën kërcënim ndaj tij apo të tjerëve.


104-vjeçari thyen rekordin, 30.86 sekonda në 100 metra

Një 104-vjeçar nga Afrika e Jugut vendosi rekordin e ri për garën e 100-metërshit. Phillip Rabinowitz, nga Cape Town, tani është vrapuesi më i shpejtë në botë. Ai arriti t’i përshkonte të 100 metrat për 30.86 sekonda, duke kaluar me 5 sekonda rekordin e mëparshëm. Asafa Powell e përshkroi të njëjtën gjatësi për 9.74 metra në vitin 2007, por Phillip është 80 vite më i vjetër se mbajtësi i rekordit për të rinj. Phillip thotë: “Gjithmonë kam vrapuar dhe kam ecur shumë, sepse kur isha i ri makinat nuk ekzistonin. Rabinowitz pret të marrë konfirmimin nga libri “Gines” i rekordeve si vrapuesi më i shpejtë në kategorinë e moshës së tij.


Grabit autobusin për të ndjekur të dashurën

Një boshnjak, i cili grabiti një autobus për t’u siguruar se e dashura nuk po e tradhtonte, ishte i detyruar të ndalonte në stacionin e policisë. 26-vjeçari, i nxitur nga një mesazh në celular, rrëfeu se e dashura e tij ishte parë me një tjetër në një qytet pranë, për këtë arsye grabit një autobus që i përkiste një kompanie private transporti për të hetuar. Policia e ndali dhe e arrestoi para se ta gjente të dashurën, duke e mbajtur në gjemba për disa orë. Por më vonë në telefonin celular i erdhi një mesazh tjetër, në të cilin lexohej se mesazhi i parë ishte një shaka. Megjithatë gjoba nuk ishte fare shaka për të boshnjakun xheloz.