Fikni dritat nga ora 20.00 deri më 21.00, ndihmoni klimën në tërë botën - Aktuale.dk

Nga: Bardhyl Islami

Danimarka është shteti i cili punon shumë për një klimë, ambient të pastër dhe ekologjik dhe më 2009 ka pranuar që të mbahet konferenca internacionale për klimë, ekologji dhe ambient të pastër në botë.

Edhe sot me datë 29 mars 2008 Danimarka do ti bashkangjitet kampanjës mbarëbotërore për klimë, ekologji dhe ambient të pastër në botë "Earth Hour", me 1 orë pa drita.

Në Kopenhagë sikurse në shumicën e komunave në Danimarkë në kampanjën për një klimë më të mirë në gjithë botën nën moton "NDALE DRITËN" të shtunën me datë 29 mars gjithë banorët do të ndalin dritat nga ora 20.00 deri më 21.00.

Këtë kampanjë e kanë përkrahur jo vetëm banorët por dhe shumë fabrika, ndërmarrje, kompani, muzeume, biblioteka dhe shumë institucione të tjera në kryeqytet. Të theksoj edhe atë se në rrugët e kryeqytetit poashtu do të ndalen dritat e rrugëve nga ora 20 deri më 21.

Kampanja "Earth Hour" për klimë më të mirë në gjithë botën gjithashtu sot do të mbahet edhe në San Fransisco, Dubai dhe në Tel Aviv.


Burim informate:
www.wwf.dk
www.burningpanda.dk