“Heshtja e Lornes” fiton cmimin skenari me i mire në Kanë - Aktuale.dk

Filmi “Heshtja e Lornes” me skenar dhe regji të Jean Pierre e Luc Dardenne është nderuar në “Festivalin e Kanës” me cmimin për “Skenarin më të mirë”. Filmi,një prodhim belg, francez dhe italian, tregon për Lornën, një vajzë shqiptare e cila për t’u bërë pronare e një dyqani në Belgjikë, vendos të martohet për letra me Klaudin, një martesë e rregulluar prej mafiozit Fabio i cili si k u s h t kërkon që pas marrjes së nënshtetësisë, Lorna të martohet me një mafioz rus.

Rusi është gati të shpenzojë një shumë të madhe parash për të rregulluar letrat në mënyrë të shpejtë, po ashtu siç bëri Lorna. Që kjo të ndodhi pa probleme, Fabio ka menduar që të vrasë Klaudin, por a do ta lejojë Lorna këtë gjë?

Personazhi i Lornës interpretohet në film nga shqiptarja Arta Dobroshi, e cila është pritur dhe vlerësuar shumë mirë në këtë festival, si dhe ka qenë pretendente për çmimin e aktores më të mirë.
Përveç Artës në “Heshtjen e Lornës” ka interpretuar dhe shqiptari Alban Ukaj.