Aventura ia rrezikoi jetën - Aktuale.dk

Sipas deklaratës që ka dhënë në polici, Aleksandri të dielën është nisur për të mbledhur lloje të posaçme fluturash në malin e Matkës, që gjendet në afërsi të Shkupit. Vetëm kur ka arritur majën e shkëmbit në orën 10 e 45 minuta, Aleksandri ka kuptuar se është ngatërruar dhe se nuk mund të kthehej nga kishte ardhur. Pas disa tentimeve të pasukseshme në ora 12 vendos të thërrasë policinë për ndihmë, ndërsa për fat të mirë celulari ka pasur rrjet që nuk është e zakonshme për rajone të tilla malore.

“Menjëherë pas pranimit të thirrjes për ndihmë, është organizuar një ekip shpëtimtar i udhëhequr nga njësia alpiniste pranë njësisë për detyra speciale e cila në bashkëpunimim me njësinë e helikopterëve është nisur te shkëmbi ku është gjendur djaloshi”, tha zëdhënësi i MPB-së Ivo Kotevski.

Rreth orës 15 gjithçka ka mbaruar me sukses, njësia alpiniste nga helikopteri ka vërejtur vendndodhjen e tij dhe ka shpëtuar jetën e të riut shkupjan.

“Edhe përskaj kushteve të këqija meterologjike dhe erës së fuqishme, përgjegjësi i njësisë për detyra speciale me ndihmë të litarit ka arritur të lëshohet në vendin ku është gjendur djaloshi, e ka lidhur atë me litar dhe me sukses e ka ngritur dhe në mënyrë të sigurt e ka hipur në helikopter. Pas aksionit të suksesshëm është dërguar në një vend të sigurt”, sqaroi Kotevski.

Pas dhënies së ndihmës mjekësore është konstatuar se 26 vjeçari Aleksandar Milladinovski nuk ka pësuar asnjë lëndim.

Burim informate: Alsat