Nevzat Halili kërkon shëndërrimin e Maqedonisë në Union me dy republika - Aktuale.dk

Ish - kryetari i PPD-së dhe kryetar i Lëvizjes kombëtare shqiptare-ILIRIDA, Nevzat Halili kërkoi që Republika e Maqedonisë të shndërrohet në Union me dy republika: ajo e Maqedonisë për maqedonasit dhe ajo e Iliridës për shqiptarët.

Sipas Halilit Unioni do të garantonte të drejtat e popullit maqedonas dhe shqiptar do të kenë të drejta të barabarta. “Apelojmë te qeveria e SHBA-ve, te përfaqësuesit e OSBE dhe të BE që ta marrin më me seriozitet kërkesën tonë që në Maqedoni të ngrihet procedura e ndryshimeve të Kushtetutës që do të bëhet një ridefinim, një formë e federalizmit të Maqedonisë në formë të unionit që do përbehej prej 2 republikave të barabarta njëra me emrin Republika e Iliridës për shqiptarët ndërsa për maqedonasit Republika e Maqedonisë. Unioni i ri do të ishte me një parlament të përbashkët qendror dhe me organe tjera të domosdoshme”, porosit ish-kryetari i PPD-së Nevzat Halili.

Burim informate:
Tv Alsat M