Audi Q7 kundër Fiqos Fiat 500 - Aktuale.dk

Në Gjermani, në një laborator për verifikimin e sigurisë të automjeteve në rast aksidenti, është simuluar një përplasje frontale e drejtpërdrejtë. Në provë u vendosën një xhip Audi Q7, dhe Fiqoja e re, Fiat 500. Të dyja janë përplasur me shpejtësi të madhe, ndërkohë që laboratori kishte si qëllim llogaritjen e mbijetesës së udhëtarëve.

"Siç mund të supozohet , performansat e Fiatit nuk janë aq të mira. Sidomos për shoferët, do të ishin shumë të lënduar, ndoshta edhe me pasoja fatale. Fëmijët dhe bashkëvozitësi megjithatë kalojnë më mirë, por jo pa lëndime. Përderisa udhëtarët e Audit, do të lëndoheshin lehtë fal ndryshueshmërisë së masave të të dyja makinave", deklaroi Maksi Hartung, zëdhënëse e ADAC.

Shkaqet për këtë janë konstruksioni më i madh i automobilit , i cili ka vetëm një bartës horizontal. Për shkak të dallimit të madh të masës, bartësi pothuajse futet krejtësisht në makinën më të vogël. Për këtë arsye unioni gjerman kërkon ligje të reja të cilat do t'i shtynin prodhuesit e automobilave gjatë konstruksionit të kenë parasysh edhe sigurinë e partnerit. Ajo në këtë rast do të arrihej me tri bartës të vendosur njëri mbi tjetrin, kështu që energjia nga përplasja do të ishte më simetrike.

Burim informate:
Tv Alsat M