U FESTUA 28 NËNTORI - DITA E FLAMURIT KOMBËTAR- Në Uddevalla të Suedisë - Aktuale.dk

Nën organizimin e Shoqatës kulturore Shqiptare” Vehbi Ibrahimi” në Uddevalla të Suedisë u festua 28 Nëntori-Dita e Flamurit. Në pjesëmarrjen e shumë bashkatdhetarëve dhe mysafirëve, ky manifestim u hap me himnin e flamurit kombëtarë.

Hazbi Lalinca kryetar i Shoqatës Kulturore Shqiptare ” Vehbi Ibrahimi” i përshëndeti të pranishmit dhe foli për historikun e ngritjes së Flamurit në Vlorë nga Plaku i urë Ismail Qemali dhe shpalljen e Pavarësisë së Shqipërisë, ditëlindjes së komandantit legjendar Adem Jasharit, 70 vjetori i lindjes dhe 27 vjetori i vrasjes së dëshmorit të kombit Vehbi Ibrahimi dhe 162 vjetori i lindjes dhe 108 vjetori i vdekjes së poetin dhe mësuesit tonë të madh Naim Frashëri.Qyteti Uddevallës tashmë ka një traditë të gjatë për të organizuar festën e Flamurit sidomos që nga themelimi i shoqatë sonë më 2001 para 7 viteve.

Pas akademisë solemne ,për të pranishmit anëtarët e shoqatës prezentuan një program më valle të bukura shqiptare dhe poezi kushtuar heronjeve të kombit që nga epoka e lavdijshme e Gjergj Kastrioti e deri te e famshmja Ushtria Çlirimtare e Kosovës.

Kryesia e SHKSH” Vehbi Ibrahimi”
Uddevalla - Suedi