Promovohet në shqip libri i Obamës "Guximi për të shpresuar" - Aktuale.dk

Kanë kaluar gati dhjetë vjet që nga koha kur kandidova për herë të parë për një post politik. Atëherë isha tridhjetë e pesë vjeç, kisha katër vjet që kisha mbaruar juridikun, sapo isha martuar, dhe në përgjithësi isha i paduruar për jetën. Kështu fillon libri Guximi për të shpresuar i presidentit Barack Oama, botimi në shqip i të cilit u përurua ditë më parë në hotelin Grand. Libri është shqipëruar nga Shtëpia Botues Dudaj dhe Enti Botues Marin Barleti nën përkujdesjen e Ambasadës Amerikane në Tiranë.

Arlinda Dudaj nga Shtëpia botuese Dudajtha se një libër i tillë të mëson, frymëzon dhe të ndihmon ta bësh realitet ëndrrën.

Është një libër që të fton të kuptosh se edhe ti mundesh. Ai që e shkroi, ia doli ta bëjë realitet ëndrrën e vet. Edhe ti që e lexon nuk ka pse të mos ia dalësh, thotë Arlinda Dudaj nga Shtëpia Botuese Dudaj.
Obama në veprën e tij Guximi për të shpresuar shpreh doktrinën e tij, flet për marrëdhëniet ndër-racore, ekonominë, marrëdhëniet ndërkombëtare dhe sjellë shpresë aty ku ajo mungon, kështu u shpreh Karen Posner Mullen nga Ambasada e SHBA-ve Kosovë, në këtë promovim.

Kërkoj nga të gjithë ju që t'ia hidhni një shikim jetës së Barak Obamës sepse, siç e thotë edhe ai vetë, gati në asnjë vend tjetër në botë përveç na Shtetet e Bashkuara të Amerikës, një rrëfim si ai i tij zhvillohet dhe bëhet i suksesshëm. Ne kemi përqafuar diversitetin, kemi përqafuar të gjitha religjionet dhe ajo që ju nevojitet për t'ia dalë mbanë është puna e madhe, dëshira dhe arsimimi i mirë, deklaroi Karen Posner Mullen, nga Ambasada e SHBA-ve në Kosovë.
Blendi Salaj nga Enti Botues Marin Barleti thotë që libri në fjalë shpreh një mesazh universal, shpresën dhe guximin, ku edhe vetë populli i Kosovës një gjë të tillë e ka provuar, duke shpresuar në lirinë e shumëpritur.

Është një mesazh universal. Nuk është mesazh që ju përket njerëzve në Ilinois apo në Florida apo Nju Jork. Është mesazh që flet për atë shpresë që, siç është shprehur vetë Presidenti i zgjedhur, ishte shpresa e skllevërve që këndonin rreth zjarrit këngë lirie. Dhe mua nuk ka si të mos më kujtohet shpresa e popullit të Kosovës që për aq gjatë shpresonte për lirinë dhe këndonte këngë lirie, tha Blendi Salaj nga Enti Botues Marin Barleti.

Të gjeni sesi mund të ndryshoni atë çfarë po ndodh rreth nesh është mesazhi i veprës së presidentit të Shteteve te Bashkuara të Amerikës Barack Obama, mesazh ky, ku presidenti Obama e ka dërguar jo vetëm në SHBA, por në gjithë botën.