Ekspozita "Draudakum" hapi “Ditët e kulturës shqiptare” - Aktuale.dk

Ky eveniment i cili ka jubileun e tij te tretë, këtë vit ka për qëllim të prezantojë shfaqje teatrore, ekspozita si edhe muzikë për publikun në mënyrë që edhe ata të njihen me kulturën shqiptare dhe risitë që ndodhin në të. Regjisori dhe aktori i njohur nga Shqipëria Vasin Lami, i cili po ashtu është i pranishëm në këtë eveniment e quan si një iniciativë të nevojshme për shqiptarët këtu.

"Është një nisëm shumë e nevojshme e domosdoshme mund të thoja. I përgëzoj iniciatorët e këtij aktiviteti sepse janë momente që ne të kthehemi në kulturimin dhe ngacmimin e asaj që na ka munguar. Për fat psikologjikisht janë më të qetë shqiptarët dhe është e nevojshme për këtë energji, këto emocione, këto shqetësime ti hedhim në art sepse është një element ku ti mund të pasqyrosh të tashmen,atë që ka kaluar dhe atë që do të vijë dhe kjo çfarë do pasqyrosh do të hyjë në traditën kulturore të kombit tënd", deklaroi Vasian Lami, aktor dhe regjisor.

Ditët e kulturës shqiptare nisën më 22 nëntor dhe do të përfundojnë më 28 nëntor me ekspozitën e piktorëve për Ditën e Flamurit. Java e kulturës shqiptare përveç Shkupit do të përfshije edhe Tetovën dhe Gostivarin.

Huazuar nga: Alsat tv