Paradis hotel 2009 - nisi me sezonën e pestë të emitimit - Aktuale.dk

Nga: Bardhyl Islami

Paradis Hotel nisi me emitimin e sezonës së pestë me 9 shkurt 2009. Emisioni Paradis Hotel është emision televiziv argëtues, ku marrin pjesë 5 vajza dhe 5 djem të ri dhe luftojnë për të fituar 500.000 korona daneze (67.000 euro) ne finale. Emisioni incizohet diku në bregdetin e Meksikës në hotelin Paradis.

Emisioni emitohet në tv3 në ora 22.00 cdo të hënë, të martë të mërkurë, ndërsa cdo të enjte eliminohet një anëtar. Në cdo emision eliminohet nga një vajzë dhe vjen një djal i ri dhe e kundërta nëse eliminohet një djal, vjen një vajzë e re. Eliminimi ndodh nga vet anëtarët që luftojnë për premiën 500.000 korona daneze.

Emisioni është një ndër më të shikuarit në Danimarkë dhe do të zgjatë disa muaj.Arsyeja pse është emision më i shikuar është lufta që bëhet ndërmjet anëtarëve në lojë e cila është e ndryshme, që nga lufta psikologjike, strategjia, seksi, dashuria, etj.

Emisionin e udhëheq për së dyti herë Rikke Gøransson. Rikke ishte vet pjesëmarrëse në lojë në vitin 2006 por për shkak se ka genjyer se është dashnore me Fatih Sahin është diskualifikuar. Ndërsa tani tv3 e ka zgjedhur udhëheqëse për shkak të kërkesave të shikuesve dhe bukurisë tërheqëse që ka Rikke.