Shqiptarët në Danimarkë kanë blerë Shtëpi Kulturore Shqiptaro-Daneze - Aktuale.dk

Nga: Bardhyl Islami

Këshilli i përkohshëm i Shtëpisë së Kulturës Shqiptaro-Daneze në Kopenhagë të Danimarkës, në mbledhjen e mbajtur në Hillerødgade skole, në adresën: Ørholmgade 8, 2200 Kopenhagë N, të dielën me 29.3.09, në Ora: 17.00 i informoj dhe njoftoj gjithë shqiptarët që jetojnë në Danimarkë se është blerë oblejkti - shtëpi që do të përdoret në të ardhmen nga shqiptarët në Danimarkë si Shtëpia Kulturore Shqiptaro - Daneze. Objekti përbëhet nga dy shtëpi që gjithësej kanë 700m2 dhe një oborr prej afër 100m2.

Adresa e Shtëpisë së Kulturës Shqiptaro-Daneze në Kopenhagë të Danimarkës tani e tutje është:
Theklavej 26
Kopenhagë NV
Danimarkë

Këshilli i përkohshëm me kryetar Llokam Ferati, informoj se shtëpia është blerë 4 milion DKK -korona daneze. Këtë shumë e ka paguajtur këshilli me 2.4 milion DKK nga paratë e mbledhura nga shqiptarët në Danimarkë që vullnetarisht kane mbledhur paratë, dhe 1,6 milion DKK kanë marrë kredi nga Banka.

Këshilli gjithashtu njoftoj se kredia prej 1,6 milion DKK dhe harxhimet vjetore do të paguhet nga:
- anëtarët e SH.K.SH-D. që deri tani kanë bërë pagesën, dhe nga
- qiraja e disa lokaleve të njërës nga dy shtëpitë (shtëpisë para, nga rruga Theklavej)

Këshilli ka vendos që cdo anëtarë i Sh.K.SH-D. të paguajë nga 200 DKK në vit (jo vetëm kryefamiljar, por cdo person pa marrë parasysh moshën). Këshilli njoftoj se deri më tani SH.K.SH-D. ka afërsisht 1.300 anëtarë të të gjitha moshave.

Këshilli informoj se tani janë duke u bërë disa renovime të objetit, të cilat mund të zgjasin deri në fund të vitit 2009 dhe SH.K.Sh-D. kishte marrë për dhuratë një program me vlerë prej 80.000 DKK, program ky shumë i sufistikuar nga bashkatdhetari Misimi i cili punonte si inxhinier i kompjuterëve në Kopenhagë. Ky program do të përdoret për administratën e SH.K.SH-D.

Është duke u punuar që të lëshohet dhe numri i telefonit dhe rrjeti i internetit si dhe gjithë instalimi i ri i rrjetit elektrik.

Këshilli gjithashtu njoftoj se Shtëpia e Kulturës Shqiptaro-Daneze është rregjistruar në komunën e Kopenhagës dhe në sistemin tatimor SKAT të Danimarkës me emrin "Dansk Albansk Kulturhus" dhe ka marrë numrin CVR nr.: 31970881 dhe CVR P nr.: 1015099379.

Të gjithë bashkatdhetarët që kanë paguar shumën e parave për tu bërë anëtarë në Sh.K.SH-D., këtë shumë të parave sistemi tatimor SKAT i Danimarkës cdo qytetari ia minusoon në tatimin personal, që dmth 33% të shumës ua kthen SKAT përsëri,por së pari duhet të plotësoni një kërkesë - formular. Këtë kërkesë formular mund ta merrni tek përfaqësuesi juaj , apo te Këshilli i përkohshëm i Sh.K.Sh-D.

Njoftohen dhe gjithë shqiptarët e tjerë në Danimarkë që duan të jenë pjesë e shoqërisë shqiptare dhe të mbahen e të mbajnë gjuhën shqipe, traditat shqiptare, kulturën shqiptare, të bëhen anëtarë në Shtëpinë e Kulturës Shqiptaro-Daneze.

Shih në foto ku gjendet Shtëpia e Kulturës Shqiptaro-Daneze.