“Nuk mjafton vetëm të dish , por edhe duhet të veprosh” - Aktuale.dk

“Nuk mjafton vetëm të dish , por edhe duhet të veprosh” ka thënë V. Gete
Po filloj me këtë thënie shumë të qëlluar të Getes pasi në sistemin demokratik kërkohet që njerëzit të veprojnë , pasi në fakt është edhe sistem i mundësive reale dhe i barabartë për të gjithë , por që të arrihet kjo duhet që të gjithë njerëzit të bëhen të aftë për ti vetë problemet me të cilat hasen në jetën e përditshme për ti përballuar konkurencës për dituri dhe njohuri të reja të cilat me përkushtim të madh mundet që ti përballoj zhvillimit të hovshëm të teknologjisë.

Vendi dhe institucioni i parë dhe më i rëndësishëm ku mund të kaliten vyrtitet e një personaliteti është shkolla , në të cilën nxënësi në të ardhmen të jetë qytetar aktiv që do ta përparoj shoqërinë duke kontribuar për të . Qëndrimi aktiv i padiktuar dhe pavarsia e çdo fëmije fillon shum herët dhe nuk mbaron kurr deri në vdekje . Për këtë shkak si në vendet e zhvilluara edhe në vendin tonë kanë filluar reformat dhe me ngulm kërkohet sa më tepër pavarsi në mendimet e nxënësve dhe veprimet e tyre .

Dhe kuptohet me këto reforma është bërë obligative që çdo mësimdhënës të thellohet me kritere të reja moderne dhe bashkohore pedagogjike të cilat janë të nevojshme për krijimin , formimin dhe kalitjen e vullnetit dhe karakterin e çdo nxënësi . Shkolla aktive fëmijën e trajton si personalitet tërësor, jo vetë si nxënës. Karakteristikat themelore e mësimit aktiv ( të ri ) janë: nuk është e pethetërsueshme fiksimi i mëhershëm e planit dhe programit; fillohet me interesat e fëmijëve; secili mësim lidhet më jetën personale të të përvojës së fëmijëve; motivimi për mësim është personale dhe e mbrendshme . Qëllimi kryesor i mësimit aktiv është zhvillimi i personalitetit dhe individualitetit të çdo fëmije, e jo përvetësimi e ndonjë programi shkollor.

Karakteristika e parë dhe më mbreslënëse e mësimit aktiv është redizajnimi i hapësirës shkollore e cila është në funksion e qëllimeve dhe dinamikës së secilës ditë pune në shkollë, theksojmë që redizajnimi hapsinor nuk paraqet ndryshime themelore dhe transformime të procesit të realizimit të mësimit.Në të kundërtën, redizajnimi është pasojë ose reflektim i procesit që shpaloset dhe që arsimtari parasheh që t’i realizojë. Qëllimi i mësimit aktiv është zhvillimi i personalitetit dhe individualitetit të secilit nxënës, dhe ate jo vetëm në ndonjë lëndë mësimore por në zhvillim të gjithanshëm duke i përcjellë principet holistike në kuptimin dhe pikpamjet e problemeve të cilat hasen në proçesin e mësimit .

Kështu që heqja dorë e mësimdhënësve nga metadfat e vjetra skolastike , nga pedantizmi pedagogjik, nga trajtimi i nxënësve si objekte , largimi i mësimit përmendësh , i përkasin më të kaluarës . Shkolla tradicionale është njëra nga shumë shkolla me koncepte të vjetra, por me shum karakteristika të cilat i mbajnë edhe sot në arsim shum vende.

Ajo i ka karakteristikat vijuese: më parë definimi i planit dhe programit; qëllimet e mësimit është përvetësimi i programës; metoda themelore e mësimit është ligjërimi verbal, shum raste pa doracak; roli i nxënësit është të dëgjoj, të mundohet që të kuptoj materiali e obligueshëm; vlerësimi është përbërë nga kontrollimet deri në ç’masë është përvetësuar materiali i obliguar; motivimi i vetëm e nxënësit është notimi, dënimi, mirënjohjet dhe lavdratat; në shkollë fëmijët shikohen vetëm si nxënës.

HAKIK JAHIU- Magjistër i shkencave pedagogjike
Sh.f.”Jeronim De Rada “- Çerkez - Kumanovë