Maqedonët demostrojnë përherë forcë në Tetovë - Aktuale.dk

Nga: Bardhyl Islami

Ndeshja e fundit në futboll në mes të 2 skuadrave tetovare Shkëndija dhe Teteks më solli në mend pamjet e përhershme që nga viti 1990 deri sot. Pamje të idhëta me polic të armatosur, me dhunë me fyerje nga ana maqedone dhe me provokime raciste që të nxit cdo qelizë shpirtërore që ka njeriu në trup.

Pastaj kuptohet se mbas gjithë këtyre provokimeve dhe nxitjeve raciste nga ana maqedone, dhe kur merret parasysh përqindja e banorëve në Tetovë në bazë nacionale, ku 85% janë shqiptarë dhe pjesa tjetër maqedone, romë, turq dhe tjerë, normalisht se do ketë reagim dhe nga ana e shqiptarëve, ku pastaj dhe ata vazhduan me sharje dhe fyerje nacionale.

Një gjë që ende nuk arrij ta "kuptoj" është, përse gjithë gjyqtarët e ndeshjes së futbollit ishin të 4 maqedon, përse gjithë policia e armatosur shumica ishin maqedon në mes të Tetovës, dhe gjithë gjithë komanduesit e kësaj policie ishin maqedon, përse u desht që të jenë aq shumë të armatosur sikur me shkuar në luftë. Këto të dhëna të bien të kuptojmë se maqedonët kanë ardhur me një qëllim tjetër që cdokush e kupton. Fatmirësisht nuk ndodhi më e keqja të vritet ndokush.

Dhe së fundi cka bëjnë politikanët tanë shqiptarë që ende merren me vetvete, ku ishin ata në këto momente, këtu na duhen ata, bile pak të kishin reaguar me fjalë, për gjithë atë dhunë që u bë në mes të Tetovës para syve të të gjithëve.

Edhe sa herë do ti shohim këto pamje trishtuese nga policia maqedone vetëm në vendet e banuara me shqiptarë.