Flaka Krelani vjen me risi - Aktuale.dk

“Duke filluar nga ditët e para të janarit, gjithçka ka nisur shumë mirë. Kam pasur oferta spontane e që kanë të bëjnë me karrierën time muzikore dhe unë jam gjithmonë me ato mendime se gjërat spontane gjithmonë janë më të bukura, normal ishin ato pozitivet. Dhe ato thjesht i kam pranuar duke buzëqeshur. Por tani jam fokusuar rreth krijimeve të reja muzikore”, ka theksuar Flaka për InfoPress.

“Përveç këngës të cilën e kam realizuar tek Ilir Tolaj, e të cilës pres t’i realizoj edhe klipin jam duke bashkëpunuar edhe me Leonard Canhasin për një krijim të radhës. Është këngë shumë potenciale, me të cilën kam plan të marrë pjesë në festivalin “Top Fest”. Besoj që do të jetë një këngë shumë e mirë, me një tekst shumë të kapshëm për njerëzit”, ka pohuar Flaka.

Teksa flet për projektet e reja muzikore, Flaka komenton tekstin e këngës së fundit të saj, ndërsa thotë që është bazuar te gjërat aktuale të fundit në vend.

“Tekstin jam duke e punuar. Ka një temë shumë të komplikuar, që ka të bëjë me gjërat aktuale që po ndodhin te ne dhe trevat mbarëshqiptare dhe arti në përgjithësi. Faktikisht kjo mund të jetë për të gjithë njerëzit, të cilët pretendojnë të jenë ndokush e realisht nuk mund të jenë. Do të jetë një tekst për ata të cilët zakonisht thonë ‘unë jam ky, unë e kam bërë këtë apo atë’ e faktikisht asnjëri nuk merr iniciativën të qes diçka në dritë. Pra kjo do të jetë pak a shumë përmbajtja e tekstin tim”, ka përfunduar Flaka.