Kadastra e Maqedonisë- Legalizimi i ndërtimeve pa leje përmes internetit - Aktuale.dk

Qytetarët dhe kompanitë prej sot me 25 shkurt 2011, përmes internetit do të mund të dërgojnë në Kadastër kërkesa për legalizim të ndërtimeve pa leje si dhe të marrin dokumente për patundshmëritë e tyre. Me këtë sipas qeverisë në masë të madhe do ta lehtësohen procedurat por edhe koha e marrjes së dokumenteve si listat e pronësisë, kopjet e planit, vërtetime të ndryshme, kërkesa për ndryshim të titullit, shënimi dhe fshirja e hipotekave dhe kërkesa tjera që kanë të bëjnë me Kadastrën. Tani për tani të gjitha kërkesat janë vetëm në gjuhën maqedonase.

“Shumë shpejtë edhe kërkesat dhe udhëzuesi do të përkthehen në shqip” tha Lupço Georgievski, Drejtor i Kadastrës. Sipas Ministrit të Drejtësisë me sportelin elektronik do të parandalohet korrupsioni i cili ka ekzistuar në këtë institucion. “Sporteli elektronik është pengesa më e madhe ose ndalesa e korrupsionit. Nëse më herët në kadastër për listën e pronësisë apo një dokument tjetër është dashur ditë dhe muaj e ndonjëherë edhe lidhje ose ryshfet për të marr dokument, tani nuk do të ketë më” tha Mihajllo Manevski, Ministër i drejtësisë.

Me këtë sistem elektronik do të mund të lidhen të gjitha byrotë e gjeodezisë, bankat, përmbaruesit por edhe noterët. Kjo do të thotë se tani e tutje pasi noteri t’ua verifikon kontratën do të duhet ta firmosni në formë elektronike të dhënë nga një botues i autorizuar. Çmimi për shërbimin dhe taksën paguhen përmes kartelës paguese. Pastaj, noteri përmes kompjuterit do ti dorëzon dokumentet drejt për drejt deri në kadastër dhe deri pas disa minutave mund të shihet nëse paraqitja është regjistruar, vërtetuar apo e kryer. Tani për tani këtë mundësi të nxjerrjes së dokumenteve përmes sportelit elektronik do ta kenë qytetarët e Shkupit, Negotinës dhe Kavadarit. Së shpejti pritet zbatim i “E sportelit” edhe në komunat tjera.

Bëni dhe ju aplikimin në internet duke klikuar në: www.katastar.gov.mk Burim info:TVAlsatM