Japonia përjetoi tërmet dhe cunami si në filmin 2012 - Aktuale.dk

Japonia po përjeton natën më të rëndë në historinë e vet më të re, pas tërmetit me intensitet prej 8,9 ballë sipas Rihterit që goditi bregdetin veri-lindor të ishullit Honshu, duke shkaktuar valë të cunamit të larta deri dhjetë metra që merrnin me vete shtëpi, makina, anije dhe objekte që digjeshin. Ky është tërmeti më i fuqishme gjatë 140 viteve të kaluara në këtë vend dhe i gjashti më i fuqishëm në botë i regjistruar deri më tash. Numri i viktimave është i madh, ndërsa vlerësohet se pasojat do të jenë katastrofike ndërsa alarme nga cunami ishin dhënë anekënd Paqësorit... Më i goditur nga vala dhjetë metërshe e cunamit më të madh në Japoni gjatë shtatë viteve të fundit, është qyteti –port Sendaj dhe pesë prefektura të ishullit Honshu. Ndërtesa të rrënuara, një pjesë e tyre në flakë dhe me dhjetëra të lënduar ka edhe në kryeqytetin Tokio, ku janë ndërprerë komunikimet mobile, interneti ndërsa me mijëra objekte të banimit mbeten pa rrymë.Raportohet për djegjen edhe të rafinerisë së naftës në afërsi të qytetit.

Gjendja e jashtëzakonshme ishte shpallur në dy centrale bërthamore... Infrastruktura dhe rrugët thuajse janë të shkatërruara në shumë zona. Popullata vendore është e tronditur nga dridhjet dhe pasojat shkatërruese të tërmetit.“Kur deri më tash nuk kam ndjerë dridhje të tillë. Nuk mund të qëndroj në këmbë, kur nuk kam ndjerë një tërmet të këtillë” tha një dëshmitar. Rreth 30 dridhje më të dobëta janë regjistruar pas goditjes së parë epiqendra e të cilit ishte 125 km në lindje të ishullit Honshu në 24 kilometra nën fundin e Paqësorit. Tërmetet janë dukuri e shpeshtë në Japoni që është një nga rajonet më aktive sizmike në botë me 20% të të gjitha tërmeteve në botë. Më katastrofik deri më tash ishte tërmeti në Kanto me një shtator të vitit 1923 i cili ishte me intensitet prej 7,9 ballë kurse në të humbën jetën 140 mijë njerëz.

Zyrtarët japonezë druajnë se mbi 1,000 njerëz kanë humbur jetën nga tërmeti dhe cunami që kanë goditur bregun verilindor të Japonisë.
Shqetësimet mbeten të larta edhe për dy centralet bërthamore në prefekturën Fukushima, ku reaktorët kanë pësuar dëmtime të sistemit të ftohjes.
Mijëra njerëz janë evakuuar, ndërsa ekipet e shpëtimit janë në terren në kërkim të të mbijetuarve.
Tërmeti i së premtes është renditur ndër pesë tërmetet më të fuqishme që kanë goditur botën në shekullin e kaluar. Burim info:TvalsatM