Prej 1 shtator në Maqedoni, kartonët e gjelbër me çmime të reja - Aktuale.dk

Ka filluar zbatimi i çmimeve të reja më të ulëta të kartonëve të gjelbër, të cilët do të kenë afat prej një viti, në vend të deritanishmëve një, tre dhe gashtë muaj. Kartoni i gjelbër për automjetet e udhëtarëve deri në 66 kilovat do të kushtojë 60 euro, për ata mbi 66 kilovat 90 euro, ndërsa për automjetet transportuese çmimi është 280 euro. Deri më tani çmimi i kartonit të gjelbër për automjetet ka lëvizur prej 40 euro për një muaj deri 150 euro për një vit, ndërsa për automjetet transportuese ka kushtuar 450 euro. Nxjerrja e kartonit të gjelbër nuk do të jetë i obligueshëm. Kartonët e gjelbër të blerë para 1 shtatorit do të vlejnë deri në skadimin e afatit për të cilin janë dhënë. /alsat-m/