Pesëmbëdhjetëvjetori i themelimit të Grupit Folklorik ”Korabi” Trento-Itali - Aktuale.dk

Përgaditi: Ibrahim Egriu -


Nexhmi Mati - Koreograf
I lindur ne Dibër të Madhe, më 1957. Më 1979 kreu Shkollen e Larte Pedagogjike në Shkup, drejtimi histori - gjeografi dhe ka punuar si arsimtar në fshatin ZHIROVNICE te Rekes 9 vite ne gjuhen shqipe. Ai, arriti të hap paralele në gjuhën shqipe në këtë fshat, ku, si gjuhë zyrtare flitej gjuha maqedone. Këtu qëndron dhe merita më e madhe e tij si pedagog.

Nga viti 1990 per shkak te mbylljes së paralaleve në gj. shqipe, mbetet pa pune dhe detyrohet te emigrojë ne Itali, ku dhe sot gjindet me gjithë familjen, gruan dhe dy fëmijët, djalin GENC 26 vjeç, i martuar dhe vajzen, RINA 24 vjeçe, poashtu e martuar.

Me rastin e Përvjetorit te themelimit te Grupit Folklorik ”Korabi” na dërgoi një Kalendar me ngjyra. Ai, jo vetë që është shembullor gjat punës në uzinën e mermerit, por me plot elan si koreograf e udheheq Grupin e valleve autoktone shqiptare ”Korabi”.

Kemi bërë nje aktivitet shumë te ngjeshur e të rëndësishëm, ngase kemi prezentuar nje pjese te kultures sone ne Provincen Autonome te Trentos, Itali, shkruan ai. Mandej vazhdon:

Ne, këtë sukses e kemi arritur me shumë mund e perpjekje dhe pas 15 (dhjete) vjet, duke ushtruar rregullisht e pa ndërprerje, kemi dhënë diçka pozitive per popullin shqiptar, sepse, ketu ne Itali kane paragjykime negative dhe flasin keq.

Gjthashtu, grupi ka kontribuar qe bashkatdhetaret e shumtë, qe gjënden aty nga te gjitha trojet tona,ka shqiptarë edhe nga Reka e Eperme, nga vendlindja e prindërve të Migjenit tone te Madh. Në çdo kremte, tubohen dhe i kremtojnë te gjitha festat tona kombetare, me valle, recitime dhe programe muzikore. Kjo ka nje domethënie te madhe për fëmijët tanë që të mos e harrojnë Atdheun, gjuhën tonë të bukur dhe folklorin shqiptar, thekson z.Nezhmi Mati ne mesazhin e tij dërguar përmes e-mailit.

Perveç kalendarit, jua dergoj dhe nje disket me fotografi, që i kam bërë vetë, së bashku me Grupin Folklorik ”Korabi” që t’i kesh kujtim.

Në një ndertesë te Cantines se rrushit ne komunen CEMBRA-Trento, një piktor italian, që e njihja, iu dha rasti dhe na bëri një foto me vajzën time-Rinen me veshje të Rekës, para godinës, që do të mbetet si simbol i prezences sone ne kete vend.

Gjatë verës që shkoi isha në katundin Zhuzhnje, Reka e Eperme dhe mbeta i habitur me bukurite e ambientit te malit Korab, si dhe me befasoi nje Kishë që ende qëndronte ne këmbë. Une e fotografova dhe, ketu ne Itali ia tregova nje piktori italian, kurse ai me tregoi se kjo Kishe qenka e shqiptareve katolik te shekullit te gjashtë dhe se kisha te këtilla ka në Itali dhe Spanjë.

Rreth kishës kishte dhe shumë varre me pllaka guri, qe tregon lashtesinë e saj. Mirë po per fat te keq, pushtetarët sllavë, nuk na kanë mundesuar te zbulojme historinë tonë dhe kish qenë mirë që tash, arkeologet tanë të bëjnë zbulime arkeologjike dhe de fakto të dëshmohet se në ate territor shqiptaret kane jetuar dem baba dem qe nga lashtesia.-N. Mati

Talentin e tij të madh si koreograf e valltar, z. Mati e demonstroi edhe në dasmën e djalit të tij te dashur, Gencit, në Dibër. Në praninë e më se 400 dasmorëve, ai, me Grupin e valltarëve, të veshur me kostume kombëtare improvizuan disa valle dhe, vallëzimi i tyre artistik u përcoll me duartrokitje frenetike nga dasmorët e pranishëm.

Nga ovacionet e mëdha, dasma u shndërrua në manifestim!

Me rastin e Përvjetorit të themelimit, Lidhja Shqiptare në Botë për shtetet skandinave, Grupit Folklorik ”Korabi” i uron suksese gjatë prezentimit të folklorit autokton kombëtar shqiptar, me dëshirë që në të ardhmen, ky grup entuziast folklorik, i kalon kornizat e kufinjve të Italisë dhe prezentohet në mbarë Evropën pakufi e më gjërë deri në Skandinavi.