Maqedoni - Ndërroni dokumentet deri më 27 shkurt - Aktuale.dk

Shkup - Ministria e punëve të Brendshme (MPB) informon se 27 shkurti i vitit 2012 është dita e fundit e qytetarëve për të ndërruar pasaportat dhe letërnjoftimet e vjetra me dokumente të reja biometrike. “Qytetarët duhet të bëjnë këto ndryshime gjatë periudhës së mbetur, pavarësisht se dokumentet e tyre personale kanë afate”, informojnë nga MPB-ja. Pas 27 shkurtit, dokumentet e vjetra si pasaporta dhe letërnjoftimi nuk do të vlejnë dhe nuk do të mund të shfrytëzohen. Qytetarët pa pasaportat e reja biometrike nuk mund të kalojnë kufirin nga marsi i vitit 2012, për shkak se nuk do të jenë valide pasaportat e vjetra. MPB u apelon qytetarëve që të caktohen data për nxjerrjen e këtyre dokumenteve. Ndërkaq, afati i fundit për ndërrimin e patentës së shoferit është tetori i vitit 2012.. Sipas MPB, deri tani janë lëshuar 1,3 milion pasaporta biometrike dhe 1,2 milion letërnjoftime të reja biometrike.
Burim info: FaktiDitor